對麵街騎樓底嗰個灰色風衣男，像釘死喺度嘅一枚釘，唔聲唔氣，但存在感強到讓我頭皮發麻。係佢，嗰晚陳國忠彆墅門口，姓高男人身邊另一個沉默嘅保鏢！佢企在度，唔係偶然，絕對係衝住我來！
陳國忠嘅人？點解會揾到呢度？係咪個加密器真係有古怪？唔想點？保護我？定係監視？抑或……有其他打算？
我唔可以直接返貨倉。嗰度係我僅存嘅巢穴，唔可以暴露。
我沒望過去，假裝乜都沒發現，轉身拐入旁邊一條更窄嘅橫巷，加快腳步，雖然隻腳踝依然痛。我唔係想擺脫佢——我知道，如果佢係專業嘅，我哩隻跛腳鴨根本甩唔到——我隻係想引開佢，離個貨倉遠啲。
我穿出橫巷，係另一條稍為熱鬨啲嘅街，有幾間五金鋪同建材行。我混入啲拉貨嘅工人中間，用眼角餘光往後瞄。灰色風衣男果然跟了上來，保持住十幾米距離，帽簷壓得低低，行路姿勢好穩，完全唔似跟蹤，倒似喺度散步。
唔想點？點解唔直接上來同我接觸？
我心中疑團越滾越大。行到個街口，紅燈。我停低，佢都停低，企在我側後方。
就在綠燈著起，我準備邁步過馬路嘅一瞬間，一把低沉、沒任何感情起伏嘅聲音，幾乎貼住我耳根響起：
“聽日下晝三點，荔枝角公園，個交易，取消佢。”
我全身一震！猛地轉頭！灰色風衣男不知幾時已經貼到我身後，佢塊麵大部分俾帽簷同豎起的風衣領遮住，我隻睇到佢緊抿嘅嘴唇同下巴。
“你講乜？啥交易？”我強作鎮定，心頭卻翻起巨浪！佢點知我同阿強嘅交易？！難道連電話都被監聽了？！
“取笑佢。”佢重複咗一次，聲音像冰渣，“阿強條線，已經汙糟了。去，等於送死。”
汙糟了？啥意思？阿強暴露了？定係……佢本身就係個陷阱？
“邊個派你來噶？陳sir？”我死死盯住佢，想從佢臉上睇出啲乜。
佢冇回答我嘅問題，反而係話：“你想揾阿恩，唔係咁揾法。打草驚蛇，死得快。”
佢連阿恩都知道？！我心裡麵嘅寒意更重。陳國忠到底知幾多？佢係幫我，定係將我當作棋盤上嘅一粒棋，隨時可以犧牲？
“咁我點揾？”我壓低聲音，帶著怒氣問。
“等。”灰色風衣男吐出一個字，“時機到，自然會有人聯絡你。而家，匿好，唔好再自作聰明。”
後麵傳來汽車不耐煩嘅喇叭聲。我哋阻住條路嘞。
灰色風衣男不再多言，向後退開一步，融入身後嘅人流，瞬間就消失唔見，好似從來沒出現過一樣。
我愣在斑馬線中間，直到後麵嘅司機伸個頭出來喝罵：“喂！死跛佬！行唔行啊！阻住地球轉！”
我回過神，跛住腳快步過了馬路。整個人像畀冰水淋過頭，由內到外都係寒意。
取消交易？阿強條線汙糟？等？
陳國忠嘅人，用咗一種最直接，也最令人不安嘅方式，向我傳遞咗信息：我嘅一舉一動，可能都喺佢哢監控之下。而且，我自以為隱秘嘅行動，好可能一早被人睇穿，甚至係個局。
我唔敢再直接返貨倉。我喺外麵蕩到天黑，確認沒人再跟蹤之後，先敢繞咗個大圈，像隻受驚嘅老鼠咁，偷偷竄翻入廢棄工廠大廈。
縮在細房草蓆上，我嘅心情沉重到極點。灰色風衣男嘅警告，不斷在耳邊回響。阿強條線，真嘅汙糟了？如果係真，我聽日去交易，就係自投羅網。如果係假，係陳國忠想切斷我其他信息渠道，逼我完全依賴佢？
編個先可以信？
我一夜沒睡好，輾轉反側，天蒙蒙光先勉強合眼。
第二日，我在焦慮同猶豫中度過。去，定唔去？搏，定係忍？
下午兩點，我最終做出決定——去！但唔係按照原計劃。我要去睇下，係唔係真係有伏擊！如果阿強真係出賣我，或者被人盯上，我至少要睇清對手係邊個！
我提前一個鐘，跛住腳去到荔枝角公園。公園不算大，但綠樹成蔭，有幾個入口。我冇行去近泳池嗰個公廁，而係爬上公園側麵一個小山丘，嗰度有片小樹林，可以居高臨下，隱約望到公廁同周圍嘅情況。
我匿在一棵大樹後麵，屏住呼吸，仔細觀察。